Boy Girl Sweet Love Story - Pyar Ki Ek Kahani | Post Links
boy girl sweet love story, real romantic kahani, cute highschool love stories, touching love stories, cute short love stories,sweet pyar ki hindi kahani

Boy Girl Sweet Love Story – Pyar Ki Ek Kahani

May 14, 2017

Main hun ek 18 saal ki ladki, Anjana Bachpan se main pyar mein vishwas nahi karti thi, par meri zindagi mei ek aisa mod aya jab mujhe na chahte huye bhi vishwas karna pada. Mujhe khud pyar ho gaya tha. Anil naam tha uska. Mere class hi ka ek ladka, bahut shaararti, bahut badmaash. Mai us samay highschool pe padti thi, Pehli baar main usse mili thi toh mujhe bilkul pasand nahi aaya tha wo. Har samay uske dost ke saath rehta tha, teachers ko chirata tha, jo ki mujhe bilkul pasand nahi tha. Dusri taraf mai thehri ek padhaku ladki jo teachers ki har baat manti thi, aur unko dil se izzat karti thi. Mere dost bhi bohot kaam thhe par mujhe nahi lagta mai uss time pe is chiz ko soch ke dukhi bhi thi. Kyun ki mere liye sab se pehle meri mummy papa aur meri padhayi hi aati thi, jisko chhor ke mai aur kuch nahi jaanti thi, na hi janna chahti thi.

Anil ko maine bohot dino se ghoorte huye dekha tha meri taraf. Jaise ki maine pehle hi kaha, mujhe wo pasand nahi tha aur mai uske taraf dekhti hi nahi thi. Kuch din aise chalta raha aur usi bich meri iklauti dost aake mujhe boli ki Anil mujhe pasand karta hai. Us din, usi waqt mai peeche ghumi, humari aankhe mili aur pyar hogaya. Anil shayad mujhse pehle se hi pyar kar baitha tha par mere dil mein feelings tabhi aayi jab uss din wo eye contact hua. Achanak se mujhe pyar hogya aur mujhe pata bhi nahi chala kyun aur kaise. Par shayad pyar aisa hi hota hai.

Main ghar aake pata nahi kya kya karne lagi. Pillows ko hug karne lagi, apni teddy se baatein karne lagi, wo bhi Anil ke baare mei. Pehla pyar ka nasha hi alag hota hai. Mujhe vishwas hi nahi ho raha tha ki jis ladke ko mai thoda bhi pasand nahi karti thi, usi se mujhe itna pyar hogaya ek din main.

Us raat mere phone pe unknown number se call aya. Mujhe pata tha wo Anil hi tha. Mera dil keh raha tha wo Anil hi hoga. Maine call recieve kari aur dusri taraf se Anil ki awaz sunayi di. Maine pucha ussey tumhe mera number kaha se mila. toh usne kitna sweetly kaha ki mujhe kal raat ek pari sapno mei aake de gayi. Main sharmane lagi aur wo hasne laga, fir humlog yehi kuch 30 minute tak baat kiye dost jaise. 30 minute baad, jab kaafi raat ho chuki thi aur mujhe neend aa rahi thi, main usey bye bolkar phone rakhne hi jaa rahi thi ki usne kaha “ruko ruko Anjana ek baat kehna tha tumse”. Maine kahan “kaho”. Usne seedha bola “I love you”. Meri dil ki dhadkane tez ho gayi, mai pagal ho jaa rahi thi, mere haath kaap rahe thhey aur mere zubaan par lafz hi nahi aa rahe they. Tabhi usne kaha “hello, kya hua”. Maine kahan “han ok”. Usne kaha “ok kya hota hai, dhang se bolo kuch”, toh maine bina time waste kiye usey keh diya “I love you too”. Maine kabhi socha nahi tha ye chaar lafz mai kisiko bhi kabhi bhi bolungi, par pyar aisi hi hoti hai jo bin bulaye aa jaati hai. Pehli baar mere sath kuch aisa hua tha. Main khush bohot thi aur wo bhi. Us raat humlog soye nahi thhey. Subah tak phone mein baat kar rahe they. Mai terrace pe chali gayi thi aur wo bhi terrace pe chala gya tha. Hawa kaafi acchi chal rahi thi aur jo hawa usey chhu kar mere paas aa rahi thi, usko main ehsaas kar paa rahi thi. Pyar mei aksar log pagal se ho jaate hai. Darr, Neend sab ud jaati hai.

Subah 5:30 baje, yehi kariban 7 ghante baat karne ke baad humlog jab phone disconnect kiye, neend tab bhi nahi aa rahi thi. Humare morning school ka time 8 baje thha, toh mai jaldi taiyyar hone chali gayi. Mujhe kabhi issey pehle 2 ghante nahi lagte they taiyyar hone mei, par us din kuch special tha. Bohot special. Mujhe yaad nahi uss din maine kitni baar khudko seeshe mein dekha par mujhe ye yaad hai ki uss din main jab bhi seesha dekh rahi thi, main muskura rahi thi. Zindagi aur haseen lagne lagi thhi. Pyar tab aur saccha lagne laga thha. Main 7:30 baje school ke liye nikal gayi aur car mei mujhe drop kar diya gya school ke samne. Car se utarte huye hi maine road ke uss taraf school ke samne khara dekha Anil ko. Main muskurane lagi, sharmane lagi aur pata nahi kya kya karne lagi. Wo bhi muskura raha thha aur hum dono ek dusre ke pas jaldi jaane se rok nahi paa rahe thhe. Mujhe sirf ek hi chiz dikh rahi thi, aur wo thhi Anil ki muskurahat. Main Anil ke chehre pe muskurahat dekhte dekhte aage badhi. Main road cross kar hi rahi thhi aur mujhe aur kuch nahi dikh raha tha Anil ke muskurahat ke siva. Main road ke beecho beech aagyi thi aur tabhi anil ka chehra badal gya. Uski muskurahat kuch pareshani mei badal gayi thhi. Wo mera naam zor se pukara, aur tabhi meri aankhe khuli. maine apne baaju mei dekha aur realise kiya ki kyun Anil ka chehra badal gaya tha achanka se. Par tab bohot der ho chuki thi. Baaju dekhte mujhe ek truck dikha tha, aur uske ek hi pal baad mujhe kuch dikh nahi raha tha. Mujhe nahi pata Anil ab kaisa hai, kya kar raha hai, par mai itna zaroor janti hun ki main sirf tumhari hoon Anil, marne ke baad bhi, sirf tumhari.

Article Categories:
Love Story
Translate »